About Us

Mission For Christ hi November ni 22, 1983 khân din a ni a. A din chhan ber chu “Chanchin Tha la hrelote hnêna hriattir” a nih bâkah Lal Isua rawngbawlna kawng thum ­ Thuhrilna, Zirtirna leh Tihdamnate chhunzawm a ni.  Kohhran pawl a ni lova, a vision tawmpui apiangte chu anmahni kohhran nihna pangngai tidanglam lova tel theih a ni.

Mission For Christ Headquarters hi Durtlang, Aizawl ah a awm a, hetah hian chawlhni apiangin inkhawmna buatsaih thin a ni a, mahni veng leh Kohhrana inkhawmte tan pawha tel theih turin inkhawm hi chhun dar 12:30­ ah tan thin a ni. Inkhawmah hian Pathian thuchah ropui tak takte puanchhuah anih thin bakah damlote puala tawngtaina hun hman thin a ni.

Rev. Dr. Lalchungnunga, Founder leh President ni bawk chuan Mission For Christ Headquarters hi awm chilhin a kaihhruaina hnuaiah rawngbawlnate kalpui a ni. Executive Committee hi Mission For Christ a thuneitu sangber a ni a, heng Executive Member­te hi Kohhran leh Ministry hrang hranga rawngbawltu pawimawh tak takte an ni hlawm a, Mission For Christ hmalâkna leh rawngbawlna rêng rêng hi Executive Committee in uluk takin a thlir hmasa thin.